Festa granda a Pòrta Cicca
Musicata dal Maestro C. Merli
Sòtt on ciel con tanti stell,
cent ghitar e mandolin,
vos distes de menestrell...
Pòrta Cicca in pompardina la fà festa.
E la canta spensierada
dal Carobbi ai Trii Ronchett
per i sògn del primm amor
di tosann che fann pandan coi ròs in fior.
Nostalgich serenad de primavera.
Là sul pont de la Conchetta
i copiett al scur de sera,
vardi lì... che fann l'amor!
Pòrta Cicca e la soa gent
coi barconi insognorent,
de Milan l'è on cantonscell
doe ferma gh'è la stòria che ripòsa.
Tra i cà vegg in sù l'anzana,
el fossett di lavandee
che dal ciel l'è illuminaa
tutt d'argent a l'è on tappee bell de guardà.
Simpatich serenad sù la ringhera.
Per la festa de stasera
tucc i strad fann de balera.
Sant Ambroeus el guarda giò!
Romantich serenad de fantasia.
Pòrta Cicca spensierada
la spasseggia per la strada
a brascett del Meneghin!
Serenada, serenada malandrina.
Serenada, serenada meneghina.
Sòra al Dòmm la Madonnina...
la saluda Pòrta Cicca
... al ciar de luna!...