Fermi la macchina
Ma che sera tranquilla!
La par perfina vestida
per 'anda fà 'na festa
sul Montestella in alt de San Sir
e vedè de lontan
la città che viv.
Fermi la macchina
apos d'ona pianta
sul bòrd d'ona strada
silenziosa e deserta
minga asfaltada.
El motor l'è on fastidi,
subit el smòrzi...
e d'incant con lee, parli d'amor!
'Na ventada che riva
col fresch de l'alta montagna
la carezza la sera.
La primavera con tutti i sò fior,
la fa moeuv per el mond
tanta giòia d'amor.
Fermi la macchina
apos d'ona pianta
sul bòrd d'ona strada
silenziosa e deserta
minga asfaltada.
El motor l'è on fastidi,
subit el smòrzi...
e d'incant con lee, parli d'amor!
On pittor de quei bravi
l'ha miss el sô ch'el tramonta
pitturaa su la tela.
E per rivalsa la luna la rid.
'Na scorlida de spall...
disinvòlta la và.
Fermi la macchina
sù on sògn ch'el sospira
decis el và in cerca
d'on amor de quei vera
tranquill ch'el spetta.
E mì, intant che vedi
el sògn ch'el scappa...
ricerchi con lee, la realtà!