Fedeltà
Musicata dal Maestro C. Merli
Dal scòss del sò pogioeu
l'ha dii che cont incoeu
l'ltalia de perlee
la tira là a campà
Per tegnì in pee la nòstra pòra Italia,
la gent cont el magon,
l'ha nò perduu i speranz
che cont el temp la sòrt la se cambiava.
In quell ritaj de temp
per lee l'è staa tant bell
de dagh tutt el sò ben
al capp di meloner.
Però, quand i fortunn hann cambiaa strada,
el capp di meloner
a l'è restaa padron
domà d'on pugn de mosch e pù nagòtta.
E con tutt quest per lee
gh'è pròpi cambiaa nient.
Per man insèma a lù
l'ha poeu spartii la sòrt.
Milan, Piazzal Lorett, l'ultima tappa
in doe se conclud
la stòria d'on amor
ch'el resta scritt sui pagin de la stòria.
El vinticinch april
ormai a l'è on rigord.
Ripòsa in pas Claretta!
La guerra l'è finida.