Epoca che cambia
Musicata dal Maestro C. Merli
Dedent d'on sògn el Berto de Giussan,
con tant de spada in pugn sul ciel pontada,
ghe giura fedeltà al Pà Giovann,
el papa bergamasch, che tucc insèma,
el benediss ch'el tal Guglielmo Tell,
alpin, mondin, e tanta gent lombarda.
Foeura del sògn,
el temp indree el voeur
mes'ciass cont el progress
de l'epoca che cambia.
Coi sò speranz la gent in d’on canton
ghe fà i galitt ai sògn e se desseda
i tradizion antigh, e i sentiment
che vann a ravanà in de la stòria
tutt quell che per difett l’è staa nascost
in del caldar de l’epoca passada.
Foeura del sògn,
coi sò color al vent
sgariss la verità
de l'epoca che cambia.
Indiferent el Pò el cala giò
per digh al mond inter:
La Svizzera l’è bella!
Si ma però
l’è bella anmò de pù,
ma pròpi per debon
la nòstra Valpadana!