El và el biròcc
Musicata dal Maestro C. Merli
Tarlicch tarlòcch... el và el biròcc!
Tarlicch tarlòcch... el và el biròcc!
Sora ’na strada ’sfaltada
antiga moderna,
passa la stòria
del verd di campagn colorada
che la camina con gent che sorid
per quand l’andava a pee e in sul tramm
o sù la caròzza...
o sù la caròzza...
a fà ’na girada.
Gent spensierada che in gir ghe nè pòcch.
Col cavallin
criniera al vent
ferma, el temp ch’el scappa.
Tarlicch tarlòcch
el và el biròcc
doe se viv la vita.
Da l’arco in ciel
distes sul mond
desora l’acqua del Pò.
Tròtta galòppa
in mezza a la strada
quand passa on poo de fortuna.
Tarlicch tarlòcch... el và el biròcc!
Tarlicch tarlòcch... el và el biròcc!
Gira messeda la stòria
de semper l’è quella.
Chi se contenta
el gòd, a l’è tutt on proverbi.
L’è nò mania de vègh el petitt
de andà in strusa in gir per el mond,
on poo de baldoria...
on poo de baldoria...
e on poo de legria
in compagnia de chì te voeur ben.