El mond el gira

Quand gh’è la sera che col scur la riva,

a gh'è 'na stella che fa ciar

coi lampion sora l'ombra di bastion,

ciappi i mè caprizzi per man,

e per nun el paradis

a l'è chi in terra.

L'è stòria veggia che per mì

la se rinoeuva coi stagion.

El mond l'è nò finii!

Mì e tì,

quand l'è sera sui bastion

femm parlà

con dolcezza in abandon

la passion,

che la pòrta con ardor

quell ch'el ciel

me riversa con amor!

Gh'è on desideri che in del coeur te lassa

'na gran dolcezza coi belezz

di color soravia d'on praa in fior.

Vedi sù la pista, on mond

pròpi in mezz d'on gran bell gioeugh

che svelt el gira

tal qual el fuss on bicocchin.

E la fortuna infin la dis:

Ti spera in del destin!