El mè specc

(duetto)

 Musicata dal Maestro V. Pinotti

El mè specc el m'ha dii che gh’hoo i ann

anmò verd, tanto verd come quand

brilla el praa tutt bagnaa de rosada

e l'è bella la vita per mì.

Pensi nò, pròpi nò de sposatt:

soridenta la giòia d'amor,

la preson coi cadenn, l'è li pronta de datt,

la sigala de scòla me fà.

Mì, de l'autunn el gris,

sui cavei ghe l'hoo,

ma 'l mè coeur el gh'ha vint ann,

sì, come i tò ann.

Te daroo l'amor tant sincer

e te saroo fedel.

E domà per on soris,

te daroo pertì

el foeugh del me desideri.

I tò fresch vint ann miss insema ai mè

farann trovà felicità!

Ma i tò ann sul mè coeur hinn pesant,

el tò foeugh el pò nò riscaldamm

quell che mi de l'amor tanto speri.

On amor castigaa te me dee,

Sarà bella la vita però

se risplend el seren dent de nun,

ma chissà se in amor cunta minga l'età?

Per savell bisognaria provà.