Cont on colp de bachetta

(duetto)

 Musicata dal Maestro V. Pinotti

Mi Palmira tosetta scontrosa,

orfanella son senza la mamma,

del Tecoppa mì son la soa tosa,

disperada mì vivi el mè drama.

Oh Palmira dessedes l'è ora,

te see pù 'na tosetta ingnoranta.

Daj decides, tuscòss và in malora

se te vègnet giò nò de la pianta.

Cont on colp de bachetta

de la fata turchina

te trasformi in tosetta

pussee bella d'on bellee.

Oh sciora Dirce, cossa la voeur fa?

Signor, mi gh'hoo vergògna!

Oh sciora Dirce, cossa la me dis?

Ma questa a l'è 'na stòria.

Oh stòria o minga stòria,

mi con la forbesetta

te scurti la sochetta

de quatter spann e on tòcch.

Con scurtaa la sochetta

par de vess 'na sciguetta.

Mì la tiri in misura

che la quatta giò el genoeucc.

Ma nò Palmira, hinn tròpp longh inscì !

Hinn minga sòcch de mòda.

Oh sciora Dirce, cossa la me dis?

Ma mì son minga bòna!

Ti strenget sù la vita,

camina bella dritta,

e fà vedè i tò grazi

inscì come foo mì!

E alta bella dritta

'me on fior de margherita,

per nun on miliardari

d'amor el pò morì!