Concett balzan
Musicata dal Maestro C. Merli
In ier la fantasia
che cont i desideri
de cà l’era scappada,
incoeu l'è ritornada.
Al lumm de la reson
la cor con l'illusion
cont i maner d'artista
sui fianch di quint del mond.
E lì sui copp del tecc
la luna la ripòsa.
Oh luna... se te fee
sul tecc al scur de sera?
De l'alt voeuri proteg
chi cerca la chimera
che la passion le scond
dedree di ramm di piant.
Denanz de la Senavra
on trovador lombard,
cont i paròll nostran
el canta 'sta ballada:
Se ti te se la dama
mi sont el cavallier
e te daroo la ròsa
che la nass in ciel.
E questa a l’è la perla
de tutt el me castell.
L’è come la fragànza
d'on sògn d'òr d'amor!
Quand gh'è la sera ciara
spalanchi la finestra,
e al son de la ghitara
ascolti la ballada.
E se per tì nissun
mai pù el voeur cantà,
mi troeuvi la manera
per fatela scoltà.