Che risòtt

 Musicata dal Maestro V. Pinotti

Oh quanto fann casòtt,

chi se capiss nagòtt

gh'è l'aria che la scòtta.

Signor che rebelòtt!

L'è pròpi quell spargiòtt

con faccia de pigòtta

e vos de vilanòtta

che fa del rebelòtt.

Che risòtt, che casòtt

che bordell che fann.

de filòtt sul faciòtt

che percòtt se dann.

Ma vardi li 'sti martoròtt

che fann baccan 'me i ballabiòtt.

El vin l'ha ciappà quòta,

l'è pròpi on quarantòtt.

Che scuffiòtt se dann bòtt

ma pròpi per nagòtt.

Ma varda che risòtt,

sul drizz desora e sòtt

l'ardor l'ha ciappà quòta,

chi se finiss a bòtt.

Minaccen tant cazzòtt

chi tai che voeur la lòtta.

Per lor gh’è pront in dòtta

la binda col ceròtt.