Vegg canton
Musicata dal Maestro C. Merli
Cargaa tutt al complett
de sabbia e gera,
a Pòrta Ticines
indiferent el vegg barcon
quand cala giò la sera
(quanti zanzar)
quacc quacc in sul navili
insognorent,
(coi sò barbon)
de l'ultim pont
el sbusa la scighera.
E pront el barchiroeu
quand l'è 'l moment,
in pee sul bòrd,
col legn el fà spalera
per dagh el fren
al gioeugh de la corent.
(la par d'argent)
Poeu 'l tira vers el quiett
de l'acqua mòrta.
E inanz indree la grù
in sù la riva,
la sabbia e gera in terra
la ripòrta.
Guardemm tuscòss polid
in prospettiva,
miss dent d'ona cornis,
a l'è on quadrett
(de grand efett)
in doe on gran pittor
con distinzion
(coi sò color)
el mett in bella mostra
on vegg canton
(liron liran)
de Pòrta Ticines col sò laghett.
Tra i tanti vegg canton
del nòst Milan...
(de quei nostran)
canton di meneghin el predilett...
(l'è pròpi quest!)