Ti te see per mì

Tì bella tosa,

guardomm minga tutt de sbiess

domà perchè tra i fior del tò pogioeu,

sospettosa la mamma la te guarda.

Spetta nò che la luna

se scond dedree di piant

per poeu pogià la testa

desora di mè spall

per ben sentì 'l sospir

d'on coeur inamoraa.

Tì te see per mì,

dent del mè giardin

la ròsa pussee bella senza spin.

Tì te see per mì,

la dònna di mè sògn.

Del tò calor gh'hoo tanto de bisògn.

Gh'hoo 'n desideri

tant ciar e lusinghier

coi mè penser ghe disi al mond inter:

Che te voeuri, te cerchi, te sògni.

E ti belezza mia,

ascolta i mè paròll.

Decis a ment serena,

con l'anima col coeur

mi voeuri ditt anmò:

Te voeuri tanto ben!

Mì lontan de tì,

gh'hoo 'l voeui al pòst del coeur

e l'anima in del nient pian pian la moeur.

Tì te set infin

la lus d'on gran splendor

che brusa i mè torment col foeugh d'amor.