Tarlicch tarlòcch

Canzone alpina a quattro voci 

Musicata dal Maestro V. Pinotti

                                    Sul ponte di Perati...

L'è gnucch el sò penser quand l'è là in montagna

Se pur anmò in del temp che 'l gh'ha l'età verda,

(Tarlicch tarlòcch)

bordaa 'me on mull l'alpin el và in sù la vetta

e giò per i vall sù el giazz de cristall

col sô e con la nev.

(Tarlicch tarlòcch)

Avanti pass per pass sui praa e in sù la roccia,

decis el và l'alpin la in alt sù la cima,

(Tarlicch tarlòcch)

el riva cont i fòrz che dà la speranza.

L'è la pèna drizza e nera

che le guida vers el ciel.

(Tarlicch tarlòcch)

El bottiglion          El bottiglion

con dent el vin          con dent el vin

l'è tanto bon          l'è tanto bon

per nun alpin.          per nun alpin.

E coi bei dònn          E coi bei dònn

       quand capita          

me pias a fà l'amor.

nun femm l'amor.

Tarlicch tarlòcch.

Tarlicch tarlòcch.

Tra frecc malan e famm là in gir per la steppa

a gh'era "Radio Scarpa" che la diseva:

(Tarlicch tarlòcch)

ti canta o brav alpin che poeu tutt te passa.

Te se combattent te gh'hee de difend

la vita e l'onor.

(Tarlicch tarlòcch)

Di fòrt te gh'hee la fed e in pù la pasienza.

T'hee pers el pel coi ann però minga el vizzi,

(Tarlicch tarlòcch)

de dà ma pocch ricev, per ti l'è l'usanza.

E la pèna l'era nera

'dess l'è grisa, ma fà nient.

(Tarlicch tarlòcch)