Sui al d'ona canzon
Sòtt el pont del navili de sera
solitaria ona foeuja la passa.
Per la gent on rigòrd la ghe lassa,
la ghe cunta d'amor i storiell.
Su la strada la nebbia man man
la distend el sò vell.
Sui al d'ona canzon, l'amor
col simbol di dolcezz el vola
fin quand el riva
dedent d'on coeur,
e se ghe pias, se ferma.
Dal sò giardin
la vioeula del penser,
la ved l'amor che passa...
timida la sospira...
e poeu ghe dis:
“Non ti scordar di mè!”
'Na scalmana dal ciel la desseda
la passion d'on amor sedentari
nasconduda in on coeur solitari.
Tra i sospir de soliev e i soris
la ritorna la voeuja d'amor.
La scalmana la rid!