Sù l'onda di mè sògn
Musicata dal Maestro V. Pinotti
Tra ciel e mar celest e l'aria netta,
sui ond d'ona canzon, leggera e quietta,
tra i gibigian del sô
la barca di mè sògn
la ponta drizz la proeura
vers l'infinii del mond.
La nòtt col ciar del dì
se cobien tra de lor
dedent d'on bell giardin
col vent de primavera
ch'el boffa sora al foeugh
d'on desideri stramb
ch'el nass el cress el moeur
in d'on sospir legger de poesia.
La barca di me sògn l'è tutta mia,
e gh'è nissun al mond che je pòrta via.
El caregh d'inlusion
cobbiaa cont i mè sògn
el pòrti sù la barca
in fond de l'orizzont.
In barca cont i sògn
mi rèmi vers el ciel.
Dai nivol vedi in bass
i sògn
che fann l'amor con la speranza.