Stella lombarda
Musicata dal Maestro S. Parisini
Ma guarda stasera
la luna gelosa.
La cerca ona busa
per scond ona stella
che sola confusa
con 'dree la valisa,
sperduda la gira
tra i nivol del ciel.
Del firmement l'è ona stella importanta,
sganciada dal car de l'Orsa Maggior,
rivada dal sud per fà l'emigranta,
sul ciel lombard esultant de vigor.
La stella emigranta,
adess l'è lombarda.
Amisa sincera
di praa de la bassa,
di bosch de montagna,
di vall de collina,
de l'acqua piovana
che va vers el mar.