Splendida

Amisa, la simpatia,

m'ha scancellaa

quell grev silenzi malmostos,

che me faseva in sòrt de compagnia

dal dì che i mè speranz hinn volaa via.

Stasera, spalanchi i mè finester

e scolti con passion

i melodii d’incant

de tanti bei canzon.

Canzon d'amor che canta

domà per mì ona fata

rivada d'on paes

de l'altra part del mar,

che la se ciama;

Splendida!

Splendida, amisa mia,

te tegnett nett

la pista doe scor i mè penser,

e dòpo tanto scur pien de tristezza

la me sorid anmò la giovinezza.

Amisa a gh'hoo ona fata

che la se ciama:

Splendida!