Sògn in fantasia
Al tramont on ragg de sô
el se perd
dent de l'ombra de la nòtt
gibigian
d'ona lus che la farà
rispeggià
el ciel dent del mar.
E ona stella lassù in ciel
la voeur bev
la rosada del mattin
d'on giardin
la sù in alt tra el verd di vall
poeu volà
sui fior cont i farfall.
L'aventura per el mond
vagabond
la voeur viv la soa stagion
per trovà
ona giòia che la dà
l'illusion
d'on bell moment d'amor.
Gh’è la luna in ciel
che sorid
e la voeur parlagh al coeur
ma d'amor.
Ghe farà desmentegà
i tristezz
ch'el sara dent de lù.