Sògn d'amor in blues
Quanta vera poesia che l'ispira
on penser legger gentil e delicaa
come on blues ch'el và in gir a la ventura
in compaqnia
di sògn smanios de frenesia.
Sù la piazza
gh'è 'na festa che la resta
sù la cresta d'on concett sentimental
d'on ideal ch’el voeur fantasticà
al ritmo d'on bell sògn d'amor in blues,
del mond inamoraa!
La giòia pussee bella de la vita
la cerca on madrigal e on orchestrina
per fagh a 'na chimera inamorada
di sògn d'amor in blues... la serenada!
Sògna sògna ch’el doman per tùcc el sia
fortunaa pussee de quell che l'è passaa.
El tramont el ricerca l'aurora
in armonia
d'on gran bell gioeugh fe fantasia.
Gh'è la stòria
tanta bella d'ona stella,
semper quella, che la nòtt le cunta sù
quand lee la và al parco a spasseggià
sottabrascett di sògn d'amor in blues,
di stell inamoraa