Simpatia
Musicata dal Maestro C. Merli
D'ona finestra averta sù la vita,
a l'ombra d'on idea che sorid...
ma guarda com' el cor
el sentiment d'amor!
El và cercà on fregui de simpatia.
L'è l'anima la dea che la guida
sui strad cont i color
vistos de tanti fior
de primavera.
Simpatia! Simpatia!
Soris de poesia!
La giòia pussee bella che ghe sia,
che mì la cerchi in tucc i sit del mond,
con frenesia!
E quand la trovaroo
la smorzaroo in sordina
con chì ghe pias i dolz carezz sgalis,
che quatten i belezz del paradis,
con fantasia!
La mia simpatia, la ricerchi
tra i gott de la rosada mattutina
che la rinfresca quell,
che in terra a gh'è de bell!
La tenerezza insèma a l'amicizia,
la troeuva la manera che la pòrta
tutt quell che te ocor
per viv su on mond miglior,
celest e ròsa.
Simpatia! Simpatia!
Amisa de la vita.
Sincerament te preghi con dolcezza
che anmò me resta in d'on canton del coeur...
va minga via!