Cara Francesca
Musicata dal Maestro C. Merli
In d’on giardin d’incant,
cont el sofitt ch’el tocca
el sô, i stell, la luna,
Francesca cara ti...
dal cepp fiorii de ròs,
tra i tanti el pussee bell...
dal cald de sòtt la teppa
la toa prima cuna,
te see sbilzada on dì
dedent d’on fagotell.
E chi t’ha concepii,
con tant calor uman,
da quell giardin d’incant,
t’hann portaa li per man
su l’òrlo del confin
denanz de l’uss saraa
che se spalanca incoeu
al tò novell destin.
La man che l’ha cataa
ti ròsa tanta bella,
bagnada de rosada,
sicura l’è la man
del giovin tò compagn.
Te guidarà lontan
a l’ombra de la strada
che passa sù la vita
de tutt el tò doman
tra tanti fior e spin.