Serenada di missee |
||
Musicata dal Maestro C. Merli
|
||
On brav artista per davera el canta semper con manera, se ’na canzon la ghe tampina, quell ch’el sò coeur el ghe propina.
Però l’è minga on visionari, e lù mai pù se da di ari. Ghe pias cantà domà per glòria cont i paròll che fa la stòria.
E quand risplend in ciel el quart de luna l’è ’na fortuna podè cantà.
Sui còrd d’ona ghitara, ’na romanza e i dolz canzon d’amor de circostanza, je cantarà domà per ona tosa che on dì, tra i fior d’aranz, la sarà sposa.
Sòna ghitara, sòna anmò stasera, che prest la rivarà la primavera.
E dent d’on sògn de tenerezza, d’amor el sògna ’na carezza. El sòna anmò la soa ghitara de sòtt on ciel de luna ciara.
In sul moment improvisada, ’na serenada spensierada, per lee in d’ona nòtt de festa la canta sòtta la finestra.
Sòna ghitara, sòna per la stella, la pussee bella che splend in ciel.
................ orchestra ................ ...............................................
El mèj di bei canzon... el toccasana per quei che viv content in Valpadana.
In mezz al scur del ciel, la luna ciara, la scolta con passion la soa ghitara!
|
![]() |