Senza rancor

Ferma, a l'è la giostra,

ven giò la nòtt in sù la fera,

intanta i stell

ghe fann la lus in sù la strada,

a quest o quell

ch'el sarà bon de mett insèma

el brutt el bell, tra lor per man.

Sògni, quell che mì

le cerchi de pertutt come non mai,

tutt quell che fà svanì l'incant di desideri,

e resti chì in de la nebbia a ravanà

tra el temp ch’el passa.

Intanta pensi:

senza ti l'è vera, el mè destin

lontan me pòrta anmò de pù la gran speranza.

In tucc i sit te vedi.

Ormai te se per mì la sola giòia,

'sta giòia l'è tutta 'na gran coròna

mai vista al mond.

Ferma, a l'è la giostra,

la torna anmò la vita quieta, ma però

quell che mì voeuri te le disi

in on sospir.

Torna te preghi, in dì mè brasc senza rancor...

Te spetti amor!