Se troeuvomm nò manera
Musicata dal Maestro V. Pinotti
Hinn guai che pò succed al dì d'incoeu,
che i tentazion del mond, de sòtta e sora,
i fann desmentegà de vègh on fioeu
e la reputazion la và in malora.
D'on scandol sul giornal lù le minaccia
e l'ha incastraa polid, l'ha miss in cros.
E i sò peccaa d'amor el ghe rinfaccia.
El ghe farà on ricatt de malizios.
Se troeuvomm nò manera
de fa tasè el sò fioeu,
ghe stronchen la carriera,
ghe s'ciòppa el petascioeu.
El ciapparà legnad
pur anca de la miee.
La vita sarà grama.
Signor che gibilee!
Al pòst de vess a Roma
setaa sul cadreghin,
el fà 'na bella tòma
dedenter d'on tombin.
El fior sù la giachetta
le schiscia sòtt i pee.
Me dis la vos del coeur
che adess l'è pù on vivoeur!