Scarliga bislaccon

Musicata dal Maestro V. Pinotti

Scarliga bislaccon

per colpa toa mì adess

al fresch a voo in preson,

sul goeubb a gh'hoo on process.

La mia Palmira cara

in cà l'è deperlee,

e mi dedree a ona sbara,

de noeuv son presonee.

Per meritt de la luna vagabonda

che l’ha s'ciarii de bòtt la nòtt profonda,

in sul canton di Vetter el Tecoppa,

lor l'hann beccaa e l’hann miss in de la stoppa.

Per merit de la luna che brillava,

lor l'hann ciappà coi ferr ch’el lavorava

arent a ona caròzza abbandonada e sola,

l'hann bevuu sù de bell stoo pòr gandola.

Scarliga mi stoo quiett,

adess te tocca a tì,

che t'he sbagliaa el progett,

de fà on queicòss per mì.

Gh'è l'avocatt Stemègna

ch'el soo mestee le sà,

ti fà che lù s'impègna

per damm la libertà.