Scalmann de sera

Musicata dal Maestro C. Merli

Quand la primavera la sù in ciel

col profumm di fior la voeur scoltà

quell proverbi antigh: Scalmann de sera,

bell temp se spera! Bell temp se spera!

Sòtt i stell de sera a l'è tant bell

ziffolà i canzon per lassà indree

tucc i tò magon e in tal manera,

per ti i fastidi gh'hinn pù!

Ona simpatia, on compliment,

on soris sgalis per vess content.

On profumm de fen per svariass via

e la natura l'è tutta toa!

Ona bella tosa cavei biond,

cont i oeucc celest e tant profond,

'na belezza, per de pù sincera,

a l'è lì ferma per tì!

Scalmann de sera...

l'è on sògn de primavera,

ch'el se indormenta denter d'ona serra

per dessedass tra i fior, chi sù la terra...

Per dessedass tra i fior, chi sù la terra!