Sayonara... Butterfly ! |
||
Musicata dal Maestro Desfy
|
||
L'è morbida la seda del kimòno che quatta la belezza del sò còrp. E col crespin la scond el sò faccin cont el profil suttil d'ona madònna.
On grisantemi ròsa la strengeva romantica sul sen, intanta che l'andava per la strada che la portava là, sui spond d'on fòss col pontesell de legn che denter del mè sògn de maniman d'incant se illuminava cont i rifless d'argent de luna ciara.
Giapponesina bella e piscinina, svedesa in miniadura de l'orient, moderna Butterfly coi al d'ona farfalla che in libertà te volet spensierada. La pòrta di mè sògn in fantasia, domà per tì la dervi con piesè!
Soo nò se la cantava o la parlava talment a l'era fina la soa vos, che la rivava denter di mè sògn cont i dolcezz gentil d'ona carezza.
De doe sponta el sô te see rivada per mett in di mè sògn quell certo non soo che de fantasia. Adess foeura di sògn... in confidenza, prima de partì col jet ch'el và in orient... te disi: sayonara bambolina! In di mè sogn, te see la mia regina! . . . . . . . . . . . . . . . . . . . . . . . . . .
Con l'anima sincera te disi sayonara!... Foeura di sògn se vedaremm on dì e quatter pass faremm in Galleria di milanes... in alt de l'Italy! ! ! ... Oh oh... oh oh oh... oh oh...
|
![]() |