San Cristòfen
Musicata dal Maestro V. Pinotti
Che bell ciel in stamattina!
Mi spasseggi pian pianòtt
sù la sponda del navili
lì bell quiett com' on beròtt.
Vedi al ciar sù la piazzetta
San Cristòfen de quadrell,
quatter piant che fann l’ombria
sui basei del pontesell.
San Cristòfen, San Cristòfen de quadrell,
ona perla sbarlusenta d’on gioiell,
se rispeggia sora l'acqua del Tesin
che la passa in del navili pian pianin.
El baciòcch d'ona campana
el ribatt la mezzanòtt,
San Cristòfen sul navili
se indormenta in de la nòtt.
El lumin d'on osteria
el dondòna cont el vent,
l'ultim ciocch a 'dree l'ombria
el camina pedolent.
Se rispeggia sòra l'acqua del Tesin
che la passa in del navili pian pianin.