Romantich menestrell

Romantich menestrell

col coeur d'on vagabond,

al tramontà del sô

se sent padron del mond.

Ghe dà la libertà

ai desideri matt

nascost in la bisacca

ch'el pòrta sù la spalla.

Con la ghitara

el canta i sò canzon

d'amor e de passion,

fin quand che 'na finestra

la se spalanca.

Serenada!

Serenada sòtt i stell!

Serenada spensierada,

le canta on menestrell

per ona ròsa rossa inamorada

d'on fior foeura stagion

che 'l nass sòtta la nev

al ciar de luna.

Giornad senza doman,

La piòla a l’è ’l sò mond.

Se 'l canta i sò canzon

nissun le pò sconfond.

Content senza penser,

'me on gatt inamoraa

ch'el cerca la gattina

per fa 'l girett sul tecc.

Stasera el canta

per chì el voeur scoltà,

per chì ghe pias sognà

duu coeur e 'na capana

lassù in collina.