Quest a l'è l'amor
L'è on fior che l'è bagnaa
de rosada che
te regala
la felicità per viv content
fin che te se stuff.
L'è quest on gran bell fior
che se ciama amor,
nòmm de tenerezza
che te fà sognà
cont i oeucc avert
la gran giòia eterna.
Stoo bell fior d'amor,
sia tanto che
poeu l'è diventaa,
on bell fior bosard,
on bell fior sincer.
cambia nient del fior.
Quest a l'è l'amor,
fals o pur sincer,
gh'è nagòtt che cambia.
Denter di sò man
te faree tutt quell
che l'amor comanda.
Ti giuga insema a mì
sù la giostra che
svelt la gira.
Te faroo capì in d'on moment
cossa l'è l'amor.
Ma cossa a l'è l'amor?
L'è on germoeuj prezios,
l'è la primavera
d'on giardin fiorii
sòtt on ciel celest
tutt sfumaa de ròsa.