Canzon balorda

      Musicata dal Maestro P. Bosetti

 

 

Per on sbarbaa, ch'el voeur cantà...

questa canzon, balorda e strambalada

coi apparenz de musich noeuv e novent

e ona sfilza de paròll... che disen nient!

 

Picca tì... che picchi mì...

e la canzon... l'è questa chì!

 

                                                                                                    Tucc i dì,

                                                                                 guardegh ai dònn

                                                                                 come hinn vestii.

                                                                                 Sora e sòtt

                                                                                 dagh on basin

                                                                                 e bòna nòtt!

El mond l'è bell,

l'è on ritornell

d'ona canzon

in abandon

col schiribizz

invers indrizz!

 

A lavorà

gh'è de sudà.

Gh'è pòcch de fà,

bisogna andà!

 

Picca tì... che picchi mì...

e la canzon...l'è questa chì

 
                                                                                                 Tucc i ser

                                                                               và a divertiss

                                                                               senza penser.

                                                                               Fà del tutt

                                                                               ma cerca nò

                                                                               de fa i ròbb brutt!

            

 El mond l'è bell

con foeura i stell.

El ciar del dì

l'ha partorì

el scur de nòtt

ch'el var nagòtt!
 

       

Se tira el vent

me frega nient.

Ma son content

de vess al mond!

 

Picca tì... che picchi mì...

e la canzon... l'è questa chì!