Quatter salt in piazza
On ventisell legger legger
el boffa quand l'è sera
in sù la piazza di paes.
La tradizion nostrana
la torna anmò in sui sò pass.
La gent ben volentera
la mett de part i dispiesè,
la balla e poeu la canta.
Al ciar de luna,
fà quatter salt in piazza
per chi gh'ha pòcch pretes,
l'è 'na gran festa.
Lassù in Val Padana
a gh'è i paes in festa.
A l'ombra de la nòtt
se fà legria.
La torna indree coi sò color
la noeuva primavera.
I firlinfoeu coi sò strument
risònen con scioltezza
i musichett di nòster vegg
stasera de gran mòda.
Oh se l’è bell ma pròpi bell
fa i quatter salt in piazza!