Quand vedi alt in ciel
Musicata dal Maestro V.Pinotti
Quand vedi alt in ciel
la stella pussee bella che la brilla,
me senti dent de mì
la voeuja de cantà domà per tì
l'amor con tanti bei paroll
de poesia.
Ti stella per piesè,
dimm tì come se fà
per conquistà el bell coeur
d'ona tosetta che
semper la sògni.
Mi sògni nòtt e dì
de strengela in sù 'l coeur
e digh tutt quell che mì,
con la mia bocca,
gh'hoo nò el coragg de dì.
Me senti in fond del coeur,
ona passion sincera che la cerca
dedree del tò soris
la gran felicità del paradis,
che fà gioì con tanto amor
l’anima mia!
contro canto
Ti stella per piesè
illumina d'amor...
Ah... sì l'è tanto bell sognà
tra tanta tenerezza.
Mi sògni nòtt e dì
de strengerla sul coeur.
Oh stella tì...
digh tutt quell che mì
con la mia bocca
gh'hoo nò el coragg de dì!