Quand tì o forestee
Quand tì o forestee
te vet cont el cavall
in sù la prateria,
ti svòlta giò decis
de doe nass la luna.
E lì te trovaree
'na strada stretta stretta
sul bòrd de l'erba secca
a rabatton d'on sô
ch'el romp perfina i sass.
Aipiaio . . . aipiaie !
La gola secca
te pòdet rinfrescà
col whisky de mastell
quell che fà brusà
la gola e i cinivei.
Aipiaio... aipiaie!
E canta canta
là in del salon coi spegg,
el pussee bell che gh'è
in sù la pista
fin oltra a Santa Fè.
Amis, rigòrdes ben
che l'aria del Far West
l'è minga tròppa fina.
Fà el brav e torna indree
al sit de la partenza,
che anmò te set in temp.
Ai pee de la collina
te spetta la biondina;
la dervirà per tì
i pòrt del paradis.