Pivionella

Musicata dal Maestro C. Merli

Dedenter d'ona piòla de beati,

in alt in d'on canton del paradis,

el Bracchi, el D'Anzi, el Berto Rabagliati,

insèma tra de lor, de bon amis,

in del parlà, deciden nò per caso,

de fagh rivà ai sò eredi sù la terra

la pivionella bianca col ramettin d'oliva

e on bigliettin con scritt in stampatell,

bel grand cont i sò man,

e senza stà li tròpp pensagh a sòra,

giust per digh:

Desmetee de fass la guerra,

che on postesin al sô el gh'è per tutti.

Per amor del nòst Milan...

ma degh on taj d'infiamass 'me i sofranei.

Voreves ben, stii quiett e fasii i bravi,

d'amor e acòrd stringeves su la man!

Vola pivionella,

vola in libertà

col ramettin d'oliva

sora la città.

Vola pivionella,

riva de lontan

col ramettin d'oliva

sora de Milan.

E de l'alt del paradis.

Ia vola in libertà la pivionella,

per pòrta tra i boff del vent

i novità del ciel in sù la terra!