Piang pù Palmira (duetto) |
||
Musicata dal Maestro V. Pinotti
|
||
Nò nò, adess piang pù bella popòla, angiol biond cont i oeucc del ciel seren bagnà de lagrimoni.
Mi nò, piangi pù, son chì sul tò coeur.
E mì cont el mè ben cosolaroo el tò grand dolor. Luna, mandom giò ona stella, tutta o mia Palmira cara te la regali cont on fior de serra e tanto amor che per tì me senti chì in del coeur. Strasa nò la toa vita che l'è tanta bella, fresca 'me on profumm d'on fior.
Piang pù Palmira mia divina stella famm on bell soris che brilla e illumina el nòst amor.
Ben del me coeur mia divina stella del ciel te see per mì el vero amor. Milan stasera l'ha miss sù on vestii de stell.
Sì, per el nòst amor, si...
L'ha vorsuu fass bell con la luna in ciel. Guarda guarda, me par de vess in riviera. Sògna sògna, con mi de sòtt d'on mantell, faa con la luna e coi stell. che protegg i copiett che fann l'amor ai boschett in la nòtt cont el quiett.
Guarda guarda, come l'è bella sera. Dolza dolza, giòia de viv col soris d'on angiol del paradis con tanto amor che risplend. Sara el moment in del coeur con giòia.
|
![]() |