Piang pù Palmira
(melologo)
Musicata dal Maestro V. Pinotti
Se ben dedent del coeur
mi semper la sognavi,
però mai pù pensavi
de rivedela sola
denanz de mì, stasera.
Oh come son content!
El rest del mond per mì...
el pò sparì in del nient!
Ma in del profond di oeucc...
ghe vedi in trasparenza
el gris de la tristezza!
Per dimandà de mì...
gh'è capitaa on queicòss?
Purtròpp l'ha indovinaa!
Però mì la scongiuri
de non guardamm in faccia.
Me senti sprofondà
per tutta la vergògna
che proeuvi dent de mì!
Me tègna nò sui gugg,
me faga nò sofrì!
Coragg... me disa tutt!
Per quell che gh'hoo de digh...
diventi rossa in faccia...
per tutta la vergògna...
e vòzi nò inscì tanto!
Oh pòvera tosetta!
Con mi la pò sfogass.
L'è pròpi stà ier sera
ch'el giudes sò papà,
l’ha saraa sù in preson,
mè pader innocent!
Me costa quell che costa...
mi trovaroo manera
de mèttegh on rimedi
sui piagh del sò torment!