Pensionaa

Milan con la cravatta el colett bianch,

metropòli del mond l'è diventada.

E con l'estrosità de fà sù i franch...

el coeur in man, ciao Pepp! Che ruffianada!

On sindegh casciaball

ai meneghin anzian

gh'ha regalaa la rògna,

rognosa de grattà.

Al pòst de l'osteria hann miss el bar.

Al pòst del gioeugh di bocc a gh’è 'l jukebox.

E cont i realtà per lor amar...

i pòver pensionaa hinn mal ridòtt.

La rògna de grattà,

tra lor i pensionaa

se metten 'dree grattala

Gh'è pròpi nient de fà.

'Sti giovinòtt d'on temp giamò passa,

aventor d'ona sòrta improvisada,

penser minga propens ai novità,

ben predispòst de viv a la giornada.

Coi ròbb che cunten pù,

dedenter d'on cassett

insema ai catanai,

ripensen al passaa.

Tranquill el pensionaa del dì d'incoeu,

per fà on queicòss an' lù de diferent,

el pòrta a spass insèma al sò cagnoeu,

i bei rigòrd che passen per la ment.

I pòver pensionaa

la cunten su tra lor

inscì come l'è stada...

e tiren a campà.