Passion cont i scalmann

Musicata dal Maestro C. Merli

A Pòrta Ticines l'hoo vista on dì

deden d'on sògn rivà con la corriera.

E d'improvis al coeur... on gran scorlon!

Lusiss i stell, el coo me và in stondera!

Ghe doo l'apontament, la dis de sì.

La luna, l'univers, el scur de sera,

me pòrten sul bombas in paradis.

Sont ona foeuja al vent... che và leggera.

Dolcezz, speranz, promess, paròll d'amor,

con quell bell garb d'on perucchee de dònna,

coi giurament, per lee i hoo nò strasaa.

L'hoo missa in sù l'altar con la Madònna.

Passion cont i scalmann de gioventù

smorzaa cont on sidell d'acqua gelada.

A Pòrta Ticines... coi sò virtù...

l'hoo vista a batt i tacch in sù la strada.