Paes straordinari |
||
|
||
Dedree di schiribizz de fantasia a gh'è on paes che digh straordinari, de lù, se dis ben pòcch pussee del necessari.
Paes fantastich foeura del normal doe per viv l'è l'ideal. Sariss assee pensà ch’el sô de nòtt el splend in ciel arent i stell. El sindech, el sacrista, el farmacista, hinn pròpi minga forestee. La spussa minga l'aria de benzina, chì vann a spass in sul biròcc.
Chi vend i sigarett l'è tabacchee. Nanca per sògn nissun el cambia el nòmm per quattà giò i sò rògn ai oeucc del mond. I tass, cambiai che scad, nanca parlan. Senza soldaa bander ne fil spinaa. Television giornai in d'on canton. Nissun che romp i scattol a la gent che vann avanti indree semper content. Per ciappà el tramm nissun fà la corsetta, ghe pias pusse andà in bicicletta.
O mamma mia oej, la fantasia, come nagòtt e senza tribuleri, con lee, diventen realtà... speranz e desideri.
Hinn tucc panzanegh, per adess, ma chì le sà se cont el temp... diventen minga realtà?
|
![]() |