Oriundo 'merican

Per imparà de nun la lengua stretta

di veri milanes a l'è rivaa

su i ond ch'el fà el navili

in d'on moment de pièna,

coi dollari de scòrta

in fond de la valis.

L'è on 'merican

ma però l’è de Milan.

A Pòrta Cicca

sù i navili lì visin

gh’è on fòss che passa

lì tra i prei di lavander,

e in sù la sponda

pòcch lontan el gh'ha la cà.

Settaa in cadrega

tranquill compagn d'on bè

el guarda tutti i dònn

che passen sù la strada.

Coi sperlusciati

là in Calusca,

semper lì

a l'osteria fà legria

bev del vin e fa baccan.