On passerin m'ha dii

La famm, el frecc, el fumm

e i alter brutt fastidi,

hinn tucc amis del temp indree,

de quand senza speranz,

inamoraa de lee,

compagn de vun ch'el viv in d'on romanz,

pensavi al suicidi.

On passerin m'ha dii:

Te see pròpi on rebambii.

Se ti te pias creppà

spetta quand te manca el fiaa.

Oej tì! Fà minga el bamba!

Ma ciappela sòtt gamba!

Perchè l'amor el ven el và.

compagn d'ona farfalla

che vola in libertà

desora di belezz

d'on mond che te contenta.

L'è tanto bell l'amor

e anmò pussee la vita.

L'è pròpi de quell dì che hoo capii

che seri 'dree sbaglià.

Col mond hoo faa la pas,

adess me senti a pòst com' in d'on praa

l'è on fior de margherita.