On nòmm in sù la sabbia

D’amor on desideri me tegneva

strett in di sò brasc senza rendes cunt

de l’indiferenza che per lù provavi.

A l’è tutt quell che và insèma al vent.

Ma guarda tì, ma guarda quanta gioia.

Romantich el destin m’ha daa per mì,

per ona nòtt intera in armonia

insèma on sentiment particolar.

L’ardor del foeugh d’amor con bonomia

l’ha scritt de soravia

on nòmm domà per mì in sù la sabbia

che tanto me desseda

on grand amor sincer ’me l’acqua ciara

ch’el tègni chì per mì

in d’on canton del coeur, con frenesia.

Adess a gh’hoo pù nient de digh al mond.

.............................................

Ross ross ’me ’na sciresa je cercavi

i laber de basà e digh al mond

quell che se vedeva scritt in sù la sabbia.

A l’era on dolz sospir d’on sogn d’amor.