On marinar (ma d'acqua dolza)

Musicata dal Maestro U. Torreggiani

Mi sont on marinar e quand l'è sira,

in peee sul bastiment, col vent che tira,

dal Pòrt del Ticines, resent ai spond,

mi voo sul Rèdefòss

per famm ninà di ond.

E là in del Pòrt de Mar, in libertà

compagn d'on marinar d'acqua salada,

son pront de navigà senza pagura

sul mar di milanes

con l'acqua verda e scura.

Mi sont on marinar,

ma d'acqua dolza,

e cont el bastiment

me pias de navigà

sul fòss de la Magolfa.

Saludi i lavander

che fann bugada,

e cont on menestrell,

ghitara e mandolin,

ghe foo la serenada.

E quand son sòtta al pont de Via Valenza.

tra el ciar el scur mi lassi giò la lenza.

Tranquill sul bastiment stoo lì spettà

che fòrsi on quei pessin

el gh'abbia de boccà.

Ma l'onda cont i s'ciumm de contravent

me sbatt cont i buscai contra la sponda.

Mi lighi el bastiment sù la scogliera,

e poeu cont i amis

voo bev del bon barbera.