On locch de la liggera
Musicata dal Maestro C. Merli
La Mariuccia che stà a la Bovisa
la passava de spess sui bastion.
Tanta bella slanzada e sgalisa,
disturbada de tanti moscon.
Ghe piaseva, e lù l'ha filada,
gentilezz, on oggiada, on soris,
lee de bell dòpo on poo l'è crodada,
lù baloss l'è partii tutt decis.
L'era bella, ma tant caprizziosa
e per tutti i caprizzi de lee,
lù che l'era de man generosa,
el liggera l'ha faa de mestee.
E quand cont i liggera
al freseh a l'è in galera
distes in sù la branda...
el sògna la soa slandra.
Per fà passà l'arlìa
el fà 'na ziffolada.
Però la nostalgia
de lee, la và nò via.
La tangenta dedent la casanza
ghe pertocca per leg al dragon.
De Vincenz l'ha pagada d'usanza,
controlada dal fant de baston.
E scuntada completta la pèna,
el mestee lù l'ha minga mollaa.
Ai fadigh lù ghe gira la s'cèna
de liggera el tira campà.
Là in casanza el gh'ha 'na stanzetta
cont i sbarr fà de ferr su l'us'cioeu,
brasc avert a l'è là che l'aspetta
come i mamm quand che spetten i fioeu.