On ciel de lampedin
Musicata dal Maestro F. Patterlini
In ciel, ona gota de pioeuva gelada
la sbusa la pell,
di nivol che passen tranquill
sòtta ai stell.
E dai bus, la se infila la nev,
che leggera la borla giò in terra,
per quattà dicember de bianch.
Stanòtt el ciel
l'è insci tant bell...
ch'el par perfina on praa celest
con tanti lampedin
al pòst di stell...
che come on gioeugh d'incant
fin 'dess mai vist,
se pizzen e se smòrzen
desora d'ona stalla
e dent gh'è 'l San Giusepp
con la Madònna
che intorna al Bambinell
in sù la paja
per riparall dal frecc
ghe fann coròna.
D'argent, ona stella che lassa la cova,
la và vers l'orient.
Ghe dis a la gent, pròpi incoeu
l'è Natal!
Tutt el mond el festeggia l'amor.
A Betlemme, dedent d'ona stalla
gh'è nassuu el nòster Signor!