On cicinin de fantasia

Musicata dal Maestro F. Patterlini

Ona ròsa e on cicinin de fantasia

ghe lassen dent de mì on non soo che,

che illumina de pù la viata

coi maner gentil d'on mond divers.

Malmostosa

e pur tanta maliziosa

l'è la nòtt senza i stell

La scancella l'amor quand l'è 'dree nass.

E viv senza l'amor l'è minga bell.

I speranz e i desideri coi rigòrd,

deperlù voeuren lassà el grand amor

li sospes sui boff d'on vent legger legger,

su la sabbia d'on desert, al scur de nòtt,

ch'el sospira e l'invoca simpatia

per i sògn in sù on modell de fantasia.

L'è la stòria di confront d'ona ventura

romantica d'amor, scalmann de foeugh

che drizz vann dent del coeur, insèma

d'on penser suttil ch'el và el ven.

Fantasia,

scoltom mì compagna mia,

perchè senza de ti

el poetta mai pù el pò parlà

cont el sospir di ond d'on mar tranquill.

Fantasia fantasia...

sù daj... ma resta chì con mì...

Fantasia, fantasia...

và minga via

ma resta chì con mì!