Oh luna ciara

Padron de la mia vita

on sentiment profond

coi fior de primavera

m'ha regalaa l'amor.

Amor meraviglios

che in de la nebbia d'autunn

el se sperduu

insèma a la tristezza.

La luna ciara ciara, 'me l'acqua del torrent,

l’inargentava l'ombra d'on mond senza tramont,

senza l'alba ne stagion, ne giòia per la gent,

in doe i sògn celest e ròsa se troeuven pront

per consolà i pòver disperaa, che in del nient

hann pers i sensazion che pò dà l'amor ardent.

Oh luna ciara ciara,

di coeur inamoraa,

maestra generosa

di tenerezz d'amor,

stanòtt al scur, consolom tì,

per mì ricerca l'illusion

che on boff de vent

me l'ha portada via

Oh luna ciara ciara...

stanòtt consolom tì!