Nòtt senza amor
Musicata dal Maestro C. Merli
Nòtt senza nanca 'na stella,
nòtt senza amor dent de mì.
Vedi el mal
vedi el ben
tutt instess
ch'el se perd in del nient.
El mè passaa
per mì, l'è on penser passeger.
L'hoo brusaa in d'on falò
e l'amor le ricerchi ancamò!
El rigòrd d'on amor
l'è svanii in del dolor
sofegaa in d'on magon
che m'ha daa l'illusion.
La speranza la voeur
ritornà in del me coeur.
E de quell che m'hann faa
voeurì pù rigordà.
Nòtt senza amor, senza luna,
nòtt de torment disperaa.
E l'ingann
che hoo faa
per amor
sòtt on vell l'hoo quattà.
El grand amor
sui strad del vegg mond vagabond
in d'on sit che soo nò
sui mè pass le ritroeuvi ancamò.