Minuett
Musicata dal Maestro Desfy
Sòtta la gronda
del tecc d'ona casetta
la giò in periferia
del vegg Milan,
'na rondina dal nid
l'era in vedetta
per dòpo poeu volà lontan lontan.
Ma quand lusiss in ciel
la prima stella
la torna in del sò nid,
la rondinella.
Sui tecc de la Barona,
arent di nivolett,
se sent on gran concert
de cent campann festos.
In ciel l'è primavera
e i ronden per giugà
se metten 'dree ballà
el vol del minuett.
El firmament celest...
d'incant l'è 'na balera.
L'è quasi sera,
gh'è 'l sô, che see indormenta.
Sul di che moeur, l'ombria
la stend on vell.
Tra i quint de l'univers,
indiferenta,
la nòtt la voeur proteg i sògn di stell.
E quand in alt del mond
cambien scenari,
sul vol del minuett
cala el sipari.